8/9/10

LOPE

Dende o 3 de setembro estase a proxectar en todos os cines Lope, un filme dirixido polo brasileiro Andrucha Waddington baseado na vida do dramaturgo Félix Lope de Vega e centrado nos primeiros pasos do escritor como poeta e dramaturgo profesional.
O reparto está formado por Alberto Ammann, Leonor Watling, Pilar López de Ayala, Juan Diego, Luis Tosar e Antonio de la Torre, acompañados de Sonia Braga, Jordi Dauder, Antonio Dechent, Miguel Ángel Muñoz, Carla Nieto, Mariano Venancio e Ramón Pujol.

A película comeza coa chegada a Madrid do xove soldado Lope, que regresa da guerra tan pobre como marchou e sen saber moi ben a que dedicarse. Escribe poemas por encargo e corrixe adaptacións teatrais para ir subsistindo, ata que se cruzan na súa vida dúas mulleres, Elena Osorio e Isabel de Urbino, que se ben o van axudar a coñecer o que é o amor e a acadar sona como escritor, tamén o van precipitar nunha serie de peripecias que darán cos seus ósos na cadea e posteriormente no desterro.

Ademais podemos escoitar recitar a Alberto Ammann algúns dos poemas que Lope escribiu para Elena e Isabel!

No hay comentarios:

Publicar un comentario