O DISCURSO DO REI

Unha película histórica que narra a loita do rei Jorge VI de Inglaterra por superar os seus problemas de tartamudez.

Sinopse
Á morte do rei Jorge V, herda o trono de Inglaterra o seu fillo Eduardo VIII. Pero este, demasiado moderno e cunha vida pouco protocolaria, casa coa divorciada Wallis Simpson. Presións procedentes de círculos reales e políticos, levan a Eduardo a abdicar en 1936 tras doce meses no trono. Entón ascende o seu irmán Bertie, afectado desde neno dun angustioso tartamudeo, como Jorge VI de Inglaterra. O seu país atópase ao borde da 2ª guerra mundial e necesita desesperadamente un líder, polo que a súa esposa Isabel se pon en contacto cun excéntrico logopeda de nome Lionel Logue. Malia o choque inicial, o rei e o "médico" comezan unha terapia pouco ortodoxa que os levará a establecer un vínculo inquebrantable. Coa axuda de Logue, a familia, o goberno e Winston Churchill, o rei supera a afección e pronuncia un discurso radiofónico que inspirará o seu pobo e o unirá na batalla. “

O discurso do rei”, baseada na historia real do rei Jorge VI, pai da actual raíña Isabel II de Inglaterra, descrebe o camiño do monarca en busca da súa voz e autoridade.

Boa interpretación dos tres personaxes máis destacados, a saber, o rei interpretado polo actor Colin Firth, a raíña interpretada pola actriz Helena Bonham Carter e o curioso "médico" interpretado polo actor Geoffrey Rush
Se queredes saber máis sobre esta estupenda película, premede neste enlace ou visitade a páxina oficial.

O DISCURSO DO REI - TRAILER

TAMBIÉN LA LLUVIA

Onte estreouse en toda España a película de Icíar Bollaín También la lluvia, protagonizada por Luís Tosar e Gael García Bernal.

Sinopse:
"Costa, un descreído produtor de cine, e Sebastián, xove e idealista realizador, traballan xuntos nun proxecto ambicioso que van rodar en Bolivia. A cinta que van filmar tratará sobre a chegada dos españois a América poñendo o acento na brutalidade da súa empresa e na valentía de varios membros da Igrexa que se enfrontaron con palabras ás espadas e ás cadeas. Pero Costa e Sebastián non poden imaxinar que en Bolivia, onde decidiron instalar o seu Santo Domingo cinematográfico, agárdaos un desafío que os fará cambalear ata o máis profundo. Tan axiña como estala a Guerra da Auga (abril de 2000) as conviccións dun e o desapego do outro comenzan a fenderse, obrigándoos a facer unha viaxe emocional en sentidos opostos."

Podedes ler AQUÍ a crítica que fai Carlos Boyero da película.

E se queredes TRABALLAR en clase COA PELÍCULA PREMEDE AQUI.